Молебен о здравии

ИЕРЕЙ: Благословен Бог наш, всегда, ныне, и присно, и во
веки веков.
ЧТЕЦ: Аминь. Слава Тебе, Боже наш, слава Тебе.
ХОР: Царю Небесный, Утешителю, Душе истины, / Иже
везде сый и вся исполняяй, / Сокровище благих и жизни
Подателю, / прииди и вселися в ны, / и очисти ны от всякия
скверны, // и спаси, Блаже, души наша.
ЧТЕЦ: Святый Боже, Святый крепкий, Святый
Безсмертный, помилуй нас (трижды).
Слава Отцу, и Сыну, и Святому Духу, и ныне и присно, и во
веки веков. Аминь.
Пресвятая Троице, помилуй нас; Господи, очисти грехи
наша; Владыко, прости беззакония наша; Святый, посети и
исцели немощи наша, имени Твоего ради.
Господи, помилуй (трижды).
Слава Отцу, и Сыну, и Святому Духу, и ныне и присно, и во
веки веков. Аминь.
Отче наш, иже еси на небесех. Да святится имя Твое, да
приидет Царствие Твое, да будет воля Твоя, яко на небеси и
на земли. Хлеб наш насущный даждь нам днесь и остави
нам долги наша, якоже и мы оставляем должником нашим, и
не введи нас во искушение, но избави нас от лукаваго.
Приход храма св. великомученика Георгия Победоносца при больнице св. Георгия г. Санкт-Петербурга
2
ИЕРЕЙ: Яко твое есть Царство, и Сила, и Слава, Отца, и
Сына, и Святаго Духа, ныне и присно, и во веки веков.
ЧТЕЦ: Аминь. Господи, помилуй (12 раз).
Слава Отцу, и Сыну, и Святому Духу, и ныне и присно, и во
веки веков. Аминь.
Приидите, поклонимся Цареви нашему Богу.
Приидите, поклонимся и припадем Христу, Цареви нашему
Богу.
Приидите, поклонимся и припадем самому Христу, Цареви и
Богу нашему.
Молебен
Псалом 70, о здравии:
ЧТЕЦ: На Тя, Господи, уповах, да не постыжуся во век.
Правдою Твоею избави мя и изми мя; приклони ко мне ухо
Твое и спаси мя.
Буди ми в Бога защитителя и в место крепко спасти мя; яко
утверждение мое и прибежище мое eси Ты.
Боже мой, избави мя из руки грешнаго, из руки
законопреступнаго и обидящаго:
Яко Ты eси терпение мое, Господи, Господи, упование мое от
юности моея.
В Тебе утвердихся от утробы, от чрева матере моея Ты eси
мой покровитель; о Тебе пение мое выну.
Яко чудо бых многим; и Ты помощник мой крепок.
Да исполнятся уста моя хваления, яко да воспою славу Твою,
весь день великолепие твое.
Не отвержи менe во время старости; внегда оскудевати
крепости моей, не остави менe.
Яко реша врази мои мне, и стрегущии душу мою совещаша
Приход храма св. великомученика Георгия Победоносца при больнице св. Георгия г. Санкт-Петербурга
3
вкупе, глаголюще: Бог оставил eсть eго, пожените и имите
eго, яко несть избавляяй.
Боже мой, не удалися от менe; Боже мой, в помощь мою
вонми.
Да постыдятся и изчезнут оклеветающии душу мою, да
облекутся в студ и срам ищущии злая мне.
Аз же всегда возуповаю на Тя, и приложу на всяку похвалу
Твою.
Уста моя возвестят правду Твою, весь день спасение Твое,
яко не познах книжная.
Вниду в силе Господни: Господи, помяну правду Тебe
eдинаго.
Боже мой, имже научил мя eси от юности моея, и доныне
возвещу чудеса Твоя.
И даже до старости и престарения, Боже мой, не остави
менe, дондеже возвещу мышцу Твою роду всему
грядущему, силу Твою и правду тТвою, Боже, даже до
вышних, яже сотворил ми eси величия: Боже, кто подобен
Тебе?
Елики явил ми eси скорби многи и злы?
И обращься оживотворил мя eси и от бездн земли возвел мя
eси.
Умножил eси на мне величествие Твое, и обращься утешил
мя eси, и от бездн земли паки возвел мя eси.
Ибо аз исповемся Тебе в людех, Господи, в сосудех
псаломских истину Твою, Боже: Воспою Тебе в гуслех,
Святый Израилев.
Возрадуетеся устне мои, eгда воспою Тебе, и душа моя, юже
eси избавил; eще же и язык мой весь день поучится правде
Твоей, eгда постыдятся и посрамятся ищущий злая мне.
Приход храма св. великомученика Георгия Победоносца при больнице св. Георгия г. Санкт-Петербурга
4
Слава Отцу, и Сыну, и Святому Духу, и ныне и присно, и во
веки веков. Аминь.
Аллилуиа, аллилуиа, аллилуиа, слава Тебе, Боже (трижды).
Тропари:
ХОР: Тропарь Господу Иисусу Христу, глас 4:
Скорый в заступлении един сый, Христе, / скорое свыше
покажи посещение страждущим рабом Твоим, / и избави от
недуг и горьких болезней / и воздвигни во еже пети Тя и
славити непрестанно, // молитвами Богородицы, Едине
Человеколюбче.
Слава Отцу, и Сыну, и Святому Духу...
Тропарь св. великомученику Георгию Победоносцу, глас 4:
Яко пленных свободитель, / и нищих защититель, /
немощствующих врач, / царей поборниче, / победоносче
великомучениче Георгие, / моли Христа Бога, // спастися
душам нашим.
...и ныне, и присно, и во веки веков. Аминь.
Тропарь Пресвятой Богородице, глас 4:
Не умолчим никогда, Богородице, / силы твоя глаголати,
недостойнии: / aще бо ты не бы предстояла молящи, / кто
бы нас избaвил от толиких бед; / кто же бы сохранил до ныне
свободны; / не отступим, Владычице, от тебе, //твоя бо
рабы спасaеши присно от всяких лютых.
Акафист
Приход храма св. великомученика Георгия Победоносца при больнице св. Георгия г. Санкт-Петербурга
5
Кондак 1:
ХОР: Возбранному воеводе и Победоносцу Георгию составим
похвалу, / яко ходатаю нашему и скорому помощнику: / ты
же, святый великомучениче, / яко имеяй дерзновение ко
Господу, / от всяких нас бед свободи, да зовем ти: //
Радуйся, Георгие, великий Победоносче.
Икос 1:
ИЕРЕЙ: Ангелов Творец и всея твари Содетель, явивый тя
Церкви Своей веры поборника и за веру непобедимаго
страстотерпца, внушает нам за подвиги страданий твоих
восхваляти тя, святе Георгие, сице:
Радуйся, до конца Иисуса Сына Божия возлюбивый;
радуйся, за имя Его с любовию душу свою положивый.
Радуйся, исповедниче, от Бога призванный;
радуйся, подвижниче, Божиею благодатию прославленный.
Радуйся, Ангелов сожителю;
радуйся, пророков равностоятелю.
Радуйся, Георгие, великий Победоносче.
ХОР: Радуйся, Георгие, великий Победоносче.
*
Кондак 2:
ИЕРЕЙ: Видя гонение нечестивых на христианы, не убоялся
еси козни их и мучительства, богомудре, но яко добрый воин
Христов, вся своя нищим раздав, волею потекл еси на совет
их неправедный, Христу вождю и Богу своему поя: Аллилуиа.
ХОР: Аллилуиа (трижды).
Икос 2:
Приход храма св. великомученика Георгия Победоносца при больнице св. Георгия г. Санкт-Петербурга
6
ИЕРЕЙ: Разумно уразумев Единаго Бога, в Триех
Ипостасех боголепно покланяемаго, твердым умом исповедал
еси Его на соборищи нечестивых и тако обличил еси
безумнаго царя безумное поклонение твари. Сего ради за
твое высокое любомудрие приими от нас, Георгие, усердныя
похвалы:
Радуйся, Единаго истиннаго Бога проповедниче;
радуйся, Пресвятыя Троицы верный защитниче.
Радуйся, велию православнаго исповедания тайну неверным
показавый;
радуйся, идольскаго служения прелесть обличивый.
Радуйся, риторе Божественный;
радуйся, витие, премудрости исполненный.
Радуйся, Георгие, великий Победоносче.
ХОР: Радуйся, Георгие, великий Победоносче.
*
Кондак 3:
ИЕРЕЙ: Сила Божия, просвещающая всякаго человека,
грядущаго в мир, и в темнице тя страждущаго посетила
есть, смиренномудре Георгие: понеже ты вся жития сего
тленная, яко уметы презрев, единому Христу прилепился
еси, да за имя Его добре воинствовав, сподобишися Тому со
Ангелы вечно воспевати: Аллилуиа.
ХОР: Аллилуиа (трижды).
Икос 3:
ИЕРЕЙ: Имея ум и сердце, Духом Святым озаренныя, ты
по внушению Его поревновал еси подвизатися за имя
Христово, до крове стоя бо мужественно в вере, обличил еси
Приход храма св. великомученика Георгия Победоносца при больнице св. Георгия г. Санкт-Петербурга
7
вознесенную нечестиваго соборища гордыню. Сего ради
хвалим тя, всемудре Георгие, сице:
Радуйся, щите, воздвигнутый на охранение благочестия;
радуйся, мечу, подъятый на посечение нечестия.
Радуйся, столпе веры;
радуйся, стено и утверждение Христовы Церкви.
Радуйся, верных удобрение;
радуйся, неверных страх и посрамление.
Радуйся, Георгие, великий Победоносче.
ХОР: Радуйся, Георгие, великий Победоносче.
*
Кондак 4:
ИЕРЕЙ: Безумный мучитель, дышащий на тя убийством,
страстотерпче Георгие, жаждал бо крове твоея, яко пес
алчный, повелевая распяти на колесе тело твое и злейшим
мукам предати; ты же, возмогая о Господе, с твердым
упованием к Богу взывал еси: Аллилуиа.
ХОР: Аллилуиа (трижды).
Икос 4:
ИЕРЕЙ: Слышавше от тебе Диоклетиан и жрецы идольстии
словеса премудрости, распыхахуся на тя злобою, паче же
егда рекл еси: «О, царю мучителю! Почто мя всуе
истязуеши? Мне бо еже жити, Христос, и еже умрети,
приобретение. Трудно ти есть противу рожна прати». Сего
ради мы взываем ти, великоимените Георгие, сице:
Радуйся, за мужественное исповедание веры на колесе кровь
свою пролиявый;
Приход храма св. великомученика Георгия Победоносца при больнице св. Георгия г. Санкт-Петербурга
8
радуйся, кровию своею торжество веры возвеличивый.
Радуйся, Апостолов соревнителю;
радуйся, вольным Христовым Страстем подражателю.
Радуйся, поборниче веры непоколебимый;
радуйся, страстотерпче, адаманта твердейший.
Радуйся, Георгие, великий Победоносче.
ХОР: Радуйся, Георгие, великий Победоносче.
*
Кондак 5:
ИЕРЕЙ: Боготечной звезде подобен был еси Георгие,
чудесным бо от Ангела исцелением и видимым от колеса
отрешением научил еси неверных веровати в Троицу
Единосущную и Той купно с тобою воспевати: Аллилуиа.
ХОР: Аллилуиа (трижды).
Икос 5:
ИЕРЕЙ: Видеша народи чудеса силы Божия, яве на тебе
бываемыя, с кротостию учение Христово от тебе прияша и
возопиша, глаголюще: «Воистину велик Бог христианский!»
Сего ради и мы, восхваляя тя, достославне Георгие, взываем
сице:
Радуйся, светоносным спасения словом тьму неверия
разгнавый;
радуйся, мученическим веры исповеданием неверныя ко
Христу обративый.
Радуйся, легионы воинов земных в небесное воинство
предводяй;
радуйся, яко воин Христов с небесными вои пребываяй.
Приход храма св. великомученика Георгия Победоносца при больнице св. Георгия г. Санкт-Петербурга
9
Радуйся, ратоборцев славо;
радуйся, пресветлаго мученическаго лика красото.
Радуйся, Георгие, великий Победоносче.
ХОР: Радуйся, Георгие, великий Победоносче.
*
Кондак 6:
ИЕРЕЙ: Проповедником истины, духоносным Апостолом
поревновав, крестом миру распялся еси, страстотерпче; се
бо, яко Иона во чрево китово, в пещь нерастворенныя
извести стремглав ввержен был еси, да прославится тебе
ради дивный во святых Господь, Емуже ты и в рове
известнем, яко во храме славы, умно взывал еси: Аллилуиа.
ХОР: Аллилуиа (трижды).
Икос 6:
ИЕРЕЙ: Возсиявый в тридневном Своем от гроба востании
всесильный ада и смерти Победитель Иисус спасе тя от
адова истления, страстотерпче Георгие: по триех бо днех
обретоша тя в извести жива и в воздеянии рук поюща Бога;
сего ради вельми пристрашни быша и ужасошася. Мы же,
радующеся, восписуем ти победную песнь:
Радуйся, позорным в известный ров низвержением,
вознесенную диавола гордыню низложивый;
радуйся, дивным от Бога спасением зверство мучителей
победивый.
Радуйся, яко незлобив сый, за творивших ти напасть
молился еси, яко за благотворцев;
радуйся, яко о обращении их, яко же Павел о евреех,
болезновал еси.
Приход храма св. великомученика Георгия Победоносца при больнице св. Георгия г. Санкт-Петербурга
10
Радуйся, мужу желаний;
радуйся, сосуде избранный.
Радуйся, Георгие, великий Победоносче.
ХОР: Радуйся, Георгие, великий Победоносче.
*
Кондак 7:
ИЕРЕЙ: Хотяй всячески уловити сердце твое к прелести
идол, нечестивый мучитель умышляет прельстити тя
волшебными чаровании; ты же, богоизбранне, с Давидом
восклицая: «О Бозе спасение мое и слава моя», верно Тому
пел еси: Аллилуиа.
ХОР: Аллилуиа (трижды).
Икос 7:
ИЕРЕЙ: Новое показа зло лукавый оный сатаны служитель
Диоклетиан, егда в безумной своей ко идолом ревности
повеле напоити тя, Георгие, ядом; ты же исполнен сый веры
и упования, аще и смертное испил, обаче без вреда пребыл
еси, богохвальне, темже и мы вопием ти:
Радуйся, яко во уповании на Бога Жива не посрамился еси;
радуйся, яко мучителя нивочтоже вменил еси.
Радуйся, бесов отгнателю;
радуйся, волшебныя козни разрушителю.
Радуйся, яко тобою дивен Бог во святых Своих является;
радуйся, яко тобою благочестно имя Христово
прославляется.
Радуйся, Георгие, великий Победоносче.
ХОР: Радуйся, Георгие, великий Победоносче.
Приход храма св. великомученика Георгия Победоносца при больнице св. Георгия г. Санкт-Петербурга
11
*
Кондак 8:
ИЕРЕЙ: Странный и страшный совет бысть от некоего
волхва нечестивому царю, да повелит ти, в доказательство
правости веры Христовой, словом воскресити мертваго; ты
же, Георгие, ничтоже сумняся, воспевал еси Тому, Иже
несть Бог мертвых, но Бог живых: Аллилуиа.
ХОР: Аллилуиа (трижды).
Икос 8:
ИЕРЕЙ: Всежеланный и Сладчайший Иисус, Егоже ты всею
душею и всем сердцем возлюбил еси, всеблаженне Георгие,
слыша теплое веры твоея моление, вскоре повеле по слову
твоему воскреснути мертвому, прославления ради Имени
Своего и верных утверждения, неверным же и ослепленным
на удивление и богопознание. Сего ради по долгу вопием ти:
Радуйся, яко Господь сил дивная на тебе явил есть;
радуйся, яко мертваго тобою от гроба воскресил есть.
Радуйся, ослепленному волхву умное прозрение веры
даровавый;
радуйся, многим, Христа ради пострадавшим, во святая
святых путь показавый.
Радуйся, Рима удивление;
радуйся, христианскаго рода возвышение.
Радуйся, Георгие, великий Победоносче.
ХОР: Радуйся, Георгие, великий Победоносче.
*
Кондак 9:
Приход храма св. великомученика Георгия Победоносца при больнице св. Георгия г. Санкт-Петербурга
12
ИЕРЕЙ: Вси Ангели восхвалиша Бога, даровавшаго ти
таковое мужество, Георгие, яко и в темничном заточении не
преставал еси молитвенно бодрствовати. Сего ради, яко
великий таинник Божия благодати, удостоился еси видети в
видении Господа, венцем нетления главу твою венчающа, да
и мы с тобою вопием: Аллилуиа.
ХОР: Аллилуиа (трижды).
Икос 9:
ИЕРЕЙ: Витии многовещаннии риторскими своими языки
не возмогут изрещи тебе достойныя хвалы, Георгие, многих
ради твоих подвигов и болезней, ихже за Христа и Церковь
подъял еси волею. Сего ради и мы, недоумея восхваляти тя
по достоянию, воспеваем сице:
Радуйся, вольным за Христа и Церковь страданием ветхаго
в себе Адама распявый;
радуйся, за доблестное страдание венец правды от руки
Господни приявый.
Радуйся, правило ревности благочестивыя;
радуйся, образе нищеты духовныя.
Радуйся, яко не себе, но Единому Богу добре угодил еси;
радуйся, яко за Христа на многообразныя смерти готов был
еси.
Радуйся, Георгие, великий Победоносче.
ХОР: Радуйся, Георгие, великий Победоносче.
*
Кондак 10:
ИЕРЕЙ: Спасти хотя души во тьме идолослужения
погибающих, боголюбче Георгие, ты, ревнуя, поревновал еси,
Приход храма св. великомученика Георгия Победоносца при больнице св. Георгия г. Санкт-Петербурга
13
яко Илия по Бозе: вшед бо во храм идольский, силою Божиею
разгнал еси бесы, сокрушил идолы, посрамил жрецы и, яко
победитель, не с человеки, но со Ангелы пел еси Богу:
Аллилуиа.
ХОР: Аллилуиа (трижды).
Икос 10:
ИЕРЕЙ: Стены бесчувственнее окамененный сердцем
мучитель твой, Георгие, не уразуме Бога, яве тобою
чудодействующа, но до конца пребыл еси, яко аспид,
затыкаяй уши свои. Сего ради повеле усещи тя на позорищи
во главу, яко злодея; ты же, болезнуя о погибели души его,
радостно приял еси кончину, за нюже мы тя ублажаем
любовию сице:
Радуйся, веру, надежду и любы до конца сохранивый;
радуйся, во успении твоем многия и великия чудеса
сотворивый.
Радуйся, оружием благоволения Божия венчанный на земли;
радуйся, славою и велелепием украшенный на Небеси.
Радуйся, человече Божий;
радуйся, добрый воине Христов.
Радуйся, Георгие, великий Победоносче.
ХОР: Радуйся, Георгие, великий Победоносче.
*
Кондак 11:
ИЕРЕЙ: Пение Пресвятей Троице паче иных воздал еси,
святый великомучениче Георгие, не словом точию и умом, но
живым всего себя в жертву принесением: подражая бо
распятому за ны непорочному Агнцу Христу, положил еси
Приход храма св. великомученика Георгия Победоносца при больнице св. Георгия г. Санкт-Петербурга
14
душу свою за други своя волею. Темже убо аще недовольни
есмы к похвалению таковыя твоея доблести, больше бо сея
любве никтоже имать, обаче благодарни суще, поем
Дивному во святых: Аллилуиа.
ХОР: Аллилуиа (трижды).
Икос 11:
ИЕРЕЙ: Светоприемный светильник истиннаго Света
сущим на земли являешися, богоизбранне Георгие,
просвещаеши бо сердца верных и к разуму Божественному
вся наставляеши, поучая и нас весело взывати:
Радуйся, яко в пресветлых ангельских чертозех вселяешися;
радуйся, яко не в гадании, но лицем к лицу, Невечерняго
Троичнаго Света причащаешися.
Радуйся, нищих питателю и обидимых защитниче;
радуйся, немощных врачу и царей поборниче.
Радуйся, православным воином во бранех споборниче;
радуйся, о спасении грешников теплый ходатаю.
Радуйся, Георгие, великий Победоносче.
ХОР: Радуйся, Георгие, великий Победоносче.
*
Кондак 12:
ИЕРЕЙ: Благодать, данную ти от Бога, ведуще, память
твою празднуем, великомучениче Георгие, и с усердным
молением к чудотворному образу твоему притекающе,
твоею всесильною о Господе помощию, яко необоримою
стеною, ограждаемся. Сего ради восхваляя тя, усердно зовем
Богу: Аллилуиа.
ХОР: Аллилуиа (трижды).
Приход храма св. великомученика Георгия Победоносца при больнице св. Георгия г. Санкт-Петербурга
15
Икос 12:
ИЕРЕЙ: Славную кончину твою поюще, еюже возвеличился
еси, яко добрый воин Христов, молим тя, страстотерпче
Георгие: буди нам во всем ко благу помощниче и услыши ны,
усердно взывающих ти:
Радуйся, яко тобою Церковь верных просвещается;
радуйся, яко имя твое и между неверными прославляется.
Радуйся, дивная исповедников славо;
радуйся, высокая мучеников похвало.
Радуйся, телес наших целебниче;
радуйся, о душах наших молитвенниче.
Радуйся, Георгие, великий Победоносче.
ХОР: Радуйся, Георгие, великий Победоносче.
*
Кондак 13:
ИЕРЕЙ: О, всеблаженный и святый великомучениче
Георгие, приими сие наше хвалебное пение и избави нас от
всякаго зла твоим теплым к Богу ходатайством, да с тобою
воспеваем: Аллилуиа.
ХОР: Аллилуиа (трижды).
ТРИЖДЫ.
*
Икос 1:
ИЕРЕЙ: Ангелов Творец и всея твари Содетель, явивый тя
Церкви Своей веры поборника и за веру непобедимаго
страстотерпца, внушает нам за подвиги страданий твоих
восхваляти тя, святе Георгие, сице:
Приход храма св. великомученика Георгия Победоносца при больнице св. Георгия г. Санкт-Петербурга
16
Радуйся, до конца Иисуса Сына Божия возлюбивый;
радуйся, за имя Его с любовию душу свою положивый.
Радуйся, исповедниче, от Бога призванный;
радуйся, подвижниче, Божиею благодатию прославленный.
Радуйся, Ангелов сожителю;
радуйся, пророков равностоятелю.
Радуйся, Георгие, великий Победоносче.
ХОР: Радуйся, Георгие, великий Победоносче.
Кондак 1:
ХОР: Взбранному воеводе и Победоносцу Георгию составим
похвалу, яко ходатаю нашему и скорому помощнику: ты же,
святый великомучениче, яко имеяй дерзновение ко Господу,
от всяких нас бед свободи, да зовем ти:
Радуйся, Георгие, великий Победоносче.
Молебен (продолжение)
Чтение апостола и Евангелий:
ИЕРЕЙ: Вонмем, премудрость, вонмем:
ЧТЕЦ: Прокимен, глас 7:
Помилуй мя, Господи, яко немощен есмь, исцели мя, яко
смятошася кости моя.
ХОР: Помилуй мя, Господи, яко немощен есмь, исцели мя,
яко смятошася кости моя.
ЧТЕЦ: Яко несть в смерти поминаяй Тебе.
ХОР: Помилуй мя, Господи, яко немощен есмь, исцели мя,
яко смятошася кости моя.
ЧТЕЦ: Прокимен, глас 7:
Приход храма св. великомученика Георгия Победоносца при больнице св. Георгия г. Санкт-Петербурга
17
Праведник яко финикс процветет, / яко кедр иже
в Ливане умножится.
ХОР: Праведник яко финикс процветет, / яко кедр иже
в Ливане умножится.
ИЕРЕЙ: Премудрость:
ЧТЕЦ: Соборного послания апостола Иакова чтение.
ИЕРЕЙ: Вонмем.
ЧТЕЦ: Послание Иакова (зач. 57):
Бра́тие, о́браз приими́те злострада́ния и долготерпе́ния
проро́ки, и́же глаго́лаша и́менем Госпо́дним. Се́, блажи́м
терпя́щия. Терпе́ние И́овле слы́шасте, и кончи́ну Госпо́дню
ви́десте, я́ко многоми́лостив е́сть Госпо́дь и ще́др. Пре́жде
же все́х, бра́тие моя́, не клени́теся ни не́бом, ни земле́ю, ни
ино́ю ко́ею кля́твою; бу́ди же ва́м е́же е́й, е́й, и е́же ни́, ни́; да
не в лицеме́рие впаде́те. Злостра́ждет ли кто́в ва́с? да
моли́тву де́ет; благоду́шствует ли кто́? да пое́т. Боли́т ли
кто́в ва́с, да призове́т пресви́теры церко́вныя, и да моли́тву
сотворя́т над ни́м, пома́завше его́еле́ем во и́мя Госпо́дне; и
моли́тва ве́ры спасе́т боля́щаго, и воздви́гнет его́Госпо́дь; и
а́ще грехи́сотвори́л е́сть, отпу́стятся ему́. Испове́дайте у́бо
дру́г дру́гу согреше́ния и моли́теся дру́г за дру́га, я́ко да
исцеле́ете: мно́го бо мо́жет моли́тва пра́веднаго
поспешеству́ема.
Деяния (зач. 29):
Во дни оны, возложи Ирод царь руце озлобити некия иже
от церкве, уби же Иакова, брата Иоаннова, мечем. И видев,
яко годе есть Иудеем, приложи яти и Петра, бяху же дние
Приход храма св. великомученика Георгия Победоносца при больнице св. Георгия г. Санкт-Петербурга
18
опресночнии. Егоже и емь всади в темницу, предав четырем
четверицам воинов стрещи его, хотя по Пасце извести его к
людем. И убо Петра стрежаху в темнице: молитва же бе
прилежна бываемая от церкве к Богу о нем. Егда же хотяше
его извести Ирод, в нощи той бе Петр спя между двема
воинома, связан железнома ужема двема, стражие же пред
дверьми стрежаху темницы. И се, Ангел Господень предста,
и свет возсия в храмине: толкнув же в ребра Петра,
воздвиже его, глаголя: востани вскоре. И спадоша ему ужя
железная с руку. Рече же Ангел к нему: препояшися и вступи
в плесницы твоя. Сотвори же тако. И глагола ему: облецыся
в ризу твою и последствуй ми. И изшед вслед его идяше и не
ведаше, яко истина есть бывшее от Ангела, мняше же
видение зрети. Прошедша же первую стражу и вторую,
приидоста ко вратом железным, вводящым во град, яже о
себе отверзошася има, и изшедша преидоста стогну едину, и
абие отступи Ангел от него. И Петр быв в себе, рече: ныне
вем воистинну, яко посла Бог Ангела Своего и изят мя из
руки Иродовы и от всего чаяния людий Иудейских.
ИЕРЕЙ: Мир ти, чтущему.
ЧТЕЦ: И духови твоему.
ИЕРЕЙ: Премудрость:
ЧТЕЦ: Аллилуиа, аллилуиа, аллилуиа. Господи, да не
яростию Твоею обличиши мене.
ХОР: Аллилуиа (3 раза).
ЧТЕЦ: Спаси мя ради милости Твоея.
ХОР: Аллилуиа (3 раза).
ЧТЕЦ: Праведник яко финикс процветет, яко кедр иже в
Ливане умножится.
Приход храма св. великомученика Георгия Победоносца при больнице св. Георгия г. Санкт-Петербурга
19
ХОР: Аллилуиа (3 раза).
ИЕРЕЙ: Премудрость, прости, услышим Святаго
Евангелия. Мир всем.
ХОР: И духови твоему.
ИЕРЕЙ: От Матфея святаго Евангелия чтение.
ХОР: Слава тебе, Господи, слава Тебе.
ИЕРЕЙ: Вонмем.
Евангелие от Матфея, зач. 25 от полу́ (8, 5–13):
Во время оно, вшедшу Иисусу в Капернаум, приступи к
Нему сотник, моля Его и глаголя: Господи, отрок мой лежит в
дому ослаблен, люте стражда. И глагола ему Иисус: Аз
пришед исцелю его. И отвещав сотник рече Ему: Господи,
несмь достоин, да под кров мой внидеши: но токмо рцы слово,
и исцелеет отрок мой. Ибо аз человек есмь под властию,
имый под собою воины: и глаголю сему: иди, и идет. И
другому: прииди, и приидет: и рабу моему: сотвори сие, и
сотворит. Слышав же Иисус, удивися, и рече грядущим по
Нем: аминь глаголю вам, ни во Израили толики веры
обретох. Глаголю же вам, яко мнози от восток и запад
приидут, и возлягут со Авраамом, и Исааком, и Иаковом во
Царствии Небеснем: сынове же Царствия изгнани будут во
тьму кромешнюю: ту будет плачь и скрежет зубом. И рече
Иисус сотнику: иди и якоже веровал еси, буди тебе. И исцеле
отрок его в той час.
Лк., зач. 63 (12, 2–12):
Рече Господь: ничтоже покровено есть, еже не
открыется, и тайно, еже не уразумеется. Зане, елика во тме
ресте, во свете услышатся, и еже ко уху глаголасте во
Приход храма св. великомученика Георгия Победоносца при больнице св. Георгия г. Санкт-Петербурга
20
храмех, проповестся на кровех. Глаголю же вам другом
Своим: не убойтеся от убивающих тело и потом не могущих
лишше что сотворити. Сказую же вам, кого убойтеся,
убойтеся имущаго власть по убиении воврещи в дебрь
огненную, ей, глаголю вам, того убойтеся. Не пять ли птиц
ценится пенязема двема? И ни едина от них несть забвена
пред Богом. Но и власи главы вашея вси изочтени суть. Не
убойтеся убо, мнозех птиц унши есте вы. Глаголю же вам:
всяк, иже аще исповесть Мя пред человеки, и Сын
Человеческий исповесть его пред Ангелы Божиими, а
отвергийся Мене пред человеки отвержен будет пред
Ангелы Божиими. И всяк иже речет слово на Сына
Человеческаго, оставится ему, а на Святаго Духа
хулившему не оставится. Егда же приведут вы на соборища
и власти и владычества, не пецытеся, како или что
отвещаете, или что речете, Святый бо Дух научит вы в той
час, яже подобает рещи.
ХОР: Слава тебе, Господи, слава Тебе.
ИЕРЕЙ: Ектения сугубая:
Помилуй нас, Боже, по велицей милости твоей, молим ти ся,
услыши и помилуй.
ХОР: Господи, помилуй (трижды)
ИЕРЕЙ (о недугующих): Врачу душ и телес, со умилением
в сердце сокрушенном к тебе припадаем, и стеняще вопием
ти: исцели болезни, уврачуй страсти душ и телес рабов
твоих (имярек) и простив им, яко благосерд, вся
прегрешения, вольная и невольная, скоро воздвигни от одра
болезни, молим ти ся, услыши и помилуй.
Приход храма св. великомученика Георгия Победоносца при больнице св. Георгия г. Санкт-Петербурга
21
ХОР: Господи, помилуй (трижды).
ИЕРЕЙ: Услыши ны, Боже Спасителю наш, упование всех
концов земли и сущих в море далече, и милостив, милостив
буди, Владыко, о гресех наших и помилуй ны. Милостив бо и
человеколюбец Бог еси, и тебе славу возсылаем, Отцу и
Сыну, и Святому Духу, ныне и присно, и во веки веков.
ХОР: Аминь.
Молитвы:
ИЕРЕЙ: Господу помолимся.
ХОР: Господи, помилуй.
ИЕРЕЙ: Влады́ко Вседержи́телю, Святы́й Царю́, наказу́яй и
не умерщвля́яй, утвержда́яй низпа́дающия, и возводя́й
низве́рженныя, теле́сныя челове́ков ско́рби исправля́яй,
мо́лимся Тебе́, Бо́же на́ш, рабов Твоих (и́мярек),
немощству́юща посети́ми́лостию Твое́ю, прости́им вся́кое
согреше́ние во́льное и нево́льное. Е́й, Го́споди, враче́бную
Твою́си́лу с небесе́низпосли́, прикосни́ся телеси́, угаси́
огне́вицу, укроти́стра́сть и вся́кую не́мощь тая́щуюся; бу́ди
вра́чь рабов Твоих, зде нами понимаемых, воздви́гни их от
одра́боле́зненнаго, и от ло́жа озлобле́ния це́ла и
всесоверше́нна, да́руй их Це́ркви Твое́й благоугожда́юща и
творя́ща во́лю Твою́. Твое́бо е́сть, е́же ми́ловати и спаса́ти
ны́, Бо́же на́ш, и Тебе́сла́ву возсыла́ем, Отцу́, и Сы́ну, и
Свято́му Ду́ху, ны́не и при́сно, и во ве́ки веко́в.
ХОР: Аминь.
ИЕРЕЙ: Ко святому великомученику и Победоносцу
Георгию помолимся.
Приход храма св. великомученика Георгия Победоносца при больнице св. Георгия г. Санкт-Петербурга
22
ХОР: Святый великомучениче и Победоносче Георгие, моли
Бога о нас.
ИЕРЕЙ: Святый, славный и всехвальный великомучениче
Христов Георгие! Собраннии в храме твоем и пред иконою
твоею святою покланяющиеся людие, молим тя, известный
желания нашего ходатаю, моли с нами и о нас умоляемаго от
своего благоутробия Бога, да милостивно услышит нас,
просящих Его благостыню, и не оставит вся наша ко
спасению и житию нуждная прошения, и дарует стране
нашей и людем нашим (имярек) победу на сопротивныя, и
паки припадающе молим тя, святый победоносче, укрепи
данною тебе благодатию во бранех православное воинство,
разруши силы востающих врагов, да постыдятся и
посрамятся, и дерзость их да сокрушится, и да увидят, яко
мы имеем Божественную помощь, и всем в скорби и
обстоянии сущим многомощное яви свое заступление, умоли
Господа Бога всея твари
Создателя избавити нас от вечнаго мучения, да всегда
прославляем Отца, и Сына, и Святаго Духа, и твое
исповедуя предстательство, ныне и присно, и во веки веков.
ХОР: Аминь.
Окончание
ИЕРЕЙ: Премудрость: Пресвятая Богородице спаси нас.
ХОР: Честнейшую Херувим и славнейшую без сравнения
Серафим, без истления Бога Слова рождшую, Сущую
Богородицу Тя величаем.
ИЕРЕЙ: Слава Тебе, Христе Боже наш, слава Тебе.
Приход храма св. великомученика Георгия Победоносца при больнице св. Георгия г. Санкт-Петербурга
23
ХОР: Слава Отцу, и Сыну, и Святому Духу, и ныне и присно,
и во веки веков. Аминь. Господи, помилуй, Господи, помилуй,
Господи, помилуй. Благослови.
ИЕРЕЙ: (Воскресый из мертвых) Христос, истинный Бог
наш, молитв ради Пречистыя своея Матери, святого
великомученика и Победоносца Георгия, его же есть храм, и
всех святых помилует и спасет нас, яко Благ и
Человеколюбец.
ХОР: Аминь. Господи, помилуй, Господи, помилуй, Господи,
помилуй.
Величания
ХОР: Величание Господу Иисусу
Христу:
Величаем, величаем Тя, / Живодавче
Христе, / нас ради во ад сшедшаго // и
с Собою вся воскресившаго.
ХОР: Величание св. великомученику
Георгию Победоносцу:
Величием тя, / святый
великомучениче и победоносче Георгие,
Приход храма св. великомученика Георгия Победоносца при больнице св. Георгия г. Санкт-Петербурга
24
/ и чтим честная страдания твоя,
/яже за Христа // претерпел еси.